My Poetry : Qabool Nahen

Surkh banarsi joday mae,

Eik khoobro se dulhan thi,

Safeed reesh qazi tha,

Sawal-a-iqrar jab poocha,

khoobro se dulhan ne,

muskura ker hountun ko,

janbish de,

QABOOL NAHEN,

Qabool nahen mujhe kamtari,

Qabool nahen mujhe ab jhukna,

Qabool nahen yeh maashra,

Jahan tasveer hai mere aadhi se,

Jahan tabeer hai mere adna se,

Jahan tameer bhi mere hai mehdood..

Mera maskan tou sitare hain,

Kirne.n hain mere sedhian,

Mujhe phool samaj ker tumne yun,

Hai muthiun mae bheench dia,

Mae rang hun, mae khushbo hun,

Tere muthiun mae muqeed nahen!

....

Haeran hoker qazi nay,

Dholhay ki taraf jab moun moda,

Muthiun ko bheench ker, woh bola,

QABOOL NAHEN!